星期六, 6月 30, 2007

這也是我的童年!



做得不錯的片段. 這也是我的童年!

3 則留言:

アレックス随筆 說...

我記得細細個第一部機係世嘉, 廿年前了, 那時買機的原因係因為看見亞視的一個兒童節目的一個打機環節。雖然老豆好闊綽的買了部機給我們, 不過完全唔肯買帶。 結果兩兄弟就日日儲錢, 那時一個 game 二百幾元, 每日儲幾元, 儲夠就去買。

後來換了部香港老翻任天堂(好似叫小天才?), 開始“租帶”, 玩完一隻 game 可以去舖頭換。 之後的超任, Playstation, 由於老翻容易買, 反而唔太珍惜每一隻 game, 其實諗番轉頭真係有點浪費。

到 PS2 年代, 有多少少經濟能力, 決定唔玩老翻, 變得開始珍惜每一隻 game, 玩到最後之餘, 玩埋所有 hidden event 等等。 也是一種樂趣。

不過到現在還未有太大動機跳去 Wii/PS3 等等呢。 Wii 好肯定有頭威, 不過尾勢還有待觀察, PS3 有強大的機能, 不過 idea 還有待發掘, 所以都唔知買邊部好。 所以還是玩埋 PS2 的尾水先算。 Xbox? 有隻 game 真的很想玩(Trusty Bell), 不過見 Microsoft 真的冇興趣。

Skin Wong 說...

Trusty Bell 好像故事方面比較弱,相比起PS3,我對XBOX360 比較有興趣呢。至於Wii,如果你常常有朋友一起玩,那會玩得很開心呢!

我也是玩正版的,老翻的問題,香港好像變回SFC年代一樣,玩NDS 的消費者完全不覺得自己是買老翻,所有店舖都會張NDS 跟R4 發售。聽說那R4 已經出口到日本的"老秋"了。你有看見嗎?

最大影響是我們,現在店舖只會入很小的NDS GAME,除非是大GAME,否則很在香港很難買到。

アレックス随筆 說...

沒有辦法, 真係要玩就要訂, 但又得很少舖頭可以幫你訂 game, 朋友話深水涉有間七算, 不過都和自己冇關係喇。 有興趣的話可以幫你問下個朋友, 再唔係好似以前咁幫你空運都得。

而家 d 人部機玩唔到老翻就唔買, 真係覺得個風氣咁好可惜(雖然自己以前都玩老翻...)。 上次個 friend 同我覺話好開心 wii 可以玩老翻可以買喇喎, 真係唔知點應好。

Trusty Bell... Namco 出品所以都幾有信心, demo movie 就真的很吸引。 故事, 真係唔玩唔知。 但那種世界觀算是自己最喜歡的一種吧。

自己還是相信(迷信?)PS3 的潛力喇。 等多佢一年半載看看。